Bərdədə iki avtomobil toqquşdu – Sürücü öldü

Bərdə rayonunda ölümlə nəticələnən ağır yol qəzası baş verib.

AzNews.az report-a istinadən xəbər verir ki, hadisə Yevlax-Ağdam magistralının Bərdə rayonunun Gərənə kəndi ərazisində qeydə alınıb.

"Mercedes" və "VAZ 2107" markalı iki minik avtomobili toqquşub.

Nəticədə "VAZ 2107" markalı avtomobilin sürücüsü hadisə yerində ölüb, iki sərnişin isə ağır vəziyyətdə Bərdə Rayon Mərkəzi Xəstəxanasına yerləşdirilib.

Faktla bağlı araşdırma aparılır.

Qeyd edək ki, qəza zamanı ölən və xəsarət alan şəxslərin kimliyi hələlik müəyyənləşdirilməyib.