Qırıcı təyyarə qəzaya uğradı

Rusiyanın Çelyabinsk rayonunda Su-24 qırıcı təyyarəsi qəzaya uğrayıb. AzNews.az-ın Rusiya mətbuatına istinadən verdiyi xəbərə görə, qəza mühərrikdə yaranmış ani nasazlıq ucbatından baş verib.

Təyyarənin pilotları isə paraşüt vasitəsilə canlarını qurtara biliblər. Təyyarənin Etkül yaşayış məntəqəsinə düşdüyü ancaq heç bir tələfata yol açmadığı bildirilir.

Qeyd edək ki, hazırda əraziyə əməliyyat qrupu cəlb olunub və onlar qəzanın hansı səbəbdən baş verdiyini araşdırırlar.

Sadiq Musa
AzNews.az