Zidan futbolçuları finala bu filmlə hazırlayır

Çempionlar Liqasının finalında "Yuventus"la qarşılaşacaq "Real"ın baş məşqçisi Zinəddin Zidan futbolçularını oyuna kökləmək üçün maraqlı addım atıb.

AzNews.az Qol.az-a istinadən xəbər verir ki, fransalı mütəxəssis futbolçuları oyuna motivasiya etmək üçün onlara "300 spartalı" filmini izləməyi tapşırıb.

Qeyd edək ki, bu film Leonidin başçılığı altında 300 spartalının çoxsaylı fars qoşununa qarşı Fermopil döyüşündə qəhrəmanlıqla vuruşmasından bəhs edir.

Xatırladaq ki, sabah keçiriləcək "Yuventus" - "Real" görüşü saat 22:45-də başlayacaq.