"Qalatasaray" Tudorla yollarını ayırdı - yeni baş məşqçi kim olacaq?

"Qalatasaray"ın baş məşqçisi İqor Tudorun istefaya göndərilməsi artıq rəsmiləşib.

AzNews.az Hürriyet-ə istinadən xəbər verir ki, klubun İdarə Heyəti İ. Tudorun baş məşqçi postundan uzaqlaşdırılması qərarını təsdiqləyib.

Qərar barədə xorvatiyalı baş məşqçinin meneceri məlumatlandırılıb.

İ. Tudora 400 min avro təzminat ödənəcək.

Komandanı hələlik Türkiyənin U-21 komandasının baş məşqçisi Metin Ülgen çalışdıracaq.

Mətbuatda yayılan məlumatlara görə, "Qalatasaray"ın yeni baş məşqçisi postuna 4 nəfər namizəddi. Onların arasında Fatih Terimin də, PSJ-nin keçmiş məşqçisi Laurent Blankın da adı çəkilir.