Argentinalı oyunçu "İnter"in tarixinə düşdü - Video

taliya A seriyasının 36-cı turunda “İnter” səfərdə “Udineze”ni 4:0 hesabı ilə darmadağın edib. Apasport.az saytının məlumatına görə, matçdakı qollardan birini vuran Mauro İkardi klubun tarixinə düşüb.

AzNews.az xəbər verir ki, “İnter” bu qələbə sayəsində xalını 69-a çatdırıb və Çempionlar Liqasına qatılmaq şansını qoruyub.

Hazırda turnir cədvəlinə 91 xalla “Yuventus” başçılıq edir. 4 xal geri qalan “Napoli” ikincidir. “Latsio" və “Roma” 70 xalla 3-4-cü pillələri bölüşürlər. “İnter” 69 xalla 5-ci yerdə qərarlaşıb. “Udineze” isə 34 xalla 17-cidir.

Argentinalı futbolçu son 59 ildə “İnter” forması ilə 28 və daha artıq qol vuran ilk futbolçu olub. Sonuncu dəfə 1958/59 mövsümündə Antonio Ancelillo “neradzurra”nın heyətində 33 qola sevinmişdi.

Qeyd edək ki, hazırda A seriyasının bombardiri 29 qolla Çiro İmmobiledir. Amma “Latsio”nun oyunçusu mövsümün sonuna qədər sıradan çıxdığı üçün qalan iki turda İkardinin onu keçmək şansı var.