Messi Avropa klublarından yalnız “Barselona”da oynayacağına söz verdi

“Barselona” klubunun argentinalı ulduz futbolçusu Lionel Messi Avropa klublarında yalnız Kataloniya klubunda oynayacağına söz verib.

AZƏRTAC xəbər verir ki, “Qızıl top”un beşqat qalibi Argentinanın “El Trece” telekanalına açıqlamasında karyerasını vətənində bitirmək istədiyini söyləyib.

“Bir gün Argentinada oynamaq istədiyimi həmişə demişəm. Bunun mümkün olub-olmayacağını bilmirəm, ancaq bu fikir beynimdə həmişə var. Yalnız “Nevells Old Boys”da oynayaram, başqa klubda yox. Altı ay da olsa bu klubda forma geymək istərdim”, – deyə Messi bildirib.

AzNews.az