Rövnəq Abdullayev Berti Foqsun müdafiəsinə qalxdı

Azərbaycan Dövlət Neft Şirkətinin və AFFA-nın prezidenti Rövnəq Abdullayev Azərbaycan-Portuqaliya oyunundakı məğlubiyyətə görə azarkeşləri günahlandırıb.

O, Aznews.az-a açıqlamasında oyunda hakimin verdiyi qırmızı kartdan sonra meydanda say azlığı ilə qalan Azərbaycan yığmasının oyunçularını azarkeşlərin münasibətinin həvəsdən saldığını bildirib:

"Azərbaycan yığmasının məğlubiyyətində Berti Foqsun nə günahı var? Əsas günah azarkeşlərdədir. İlk qoldan sonra bir hissəsi oyunçuları təhqir etdi, başqa hissəsi isə meydanı tərk etdilər. Sayca meydanda az olan komandanı bu münasibət daha da həvəsdən saldı".

Ruhiyyə
Aznews.az