Güləşçilərimiz beynəlxalq turnirdə iştirak edəcək

Fevralın 18-20-də Rusiya Federasiyasının paytaxtı Moskva şəhərində Olimpiya çempionu B.M.Gureviçin xatirəsinə həsr olunmuş beynəlxalq turnir keçiriləcək.

Azərbaycan Güləş Federasiyasından verilən məlumata görə, turnirdə yunan-Roma güləşi üzrə yeniyetmələrdən ibarət yığma komandamızın üzvləri də iştirak edəcəklər.

Yığma komandanın böyük məşqçisi Nurəddin Rəcəbov və məşqçi İslam Cəfərovun rəhbərliyi altında 10 güləşçimizin Moskvaya yollanması planlaşdırılır. Heyətdə Nofəl Babayev (42 kq), Pərvin Abdullayev (46 kq), Elgün Hüseynzadə (50 kq), Bəxtiyar Muradov (54 kq), İsrafil Yaqubzadə (58 kq), Arif Niftullayev (63 kq), Orxan Hümbətov (69 kq), Nicat Abdullayev (76 kq), Soslan Fanziyev (85 kq) və Cavid Feyziyev (100 kq) yer alacaqlar.

AzNews.az