Məşhur qapıçının əli qırıldı

"Tottenhem"in qapıçısı Hüqo Lorisin əli qırılıb.

AzNews.az qol.az-a istinadən xəbər verir ki, hadisə fransız qolkiperin istirahətdə olduğu müddətdə baş verib.

Klubdan verilən açıqlamada Lorisin həkimlərin nəzarətində olacağı və komandası ilə məşqlərə qatılacağı bildirilib. Lakin 28 yaşlı qolkiperin yaşıl meydanlara nə zaman qayıdacağı açıqlanmayıb.

Qeyd edək ki, 2012-ci ildən "Tottenhem"in şərəfini qoruyan Fransa millisinin üzvü ötən mövsüm Premyer Liqada 35 oyun keçirib.