Azərbaycan böhrandan çıxmaq üçün düzgün addımlar atır - BVF

“Azərbaycan və Nigeriyaya yardım lazım olarsa, Beynəlxalq Valyuta Fondu (BVF) qeyd-şərtsiz buna hazırdır”.

AzNews.az APA-ya istinadən xəbər verir ki, bu barədə BVF-nin icraçı direktoru Kristin Laqard bildirib.

Onun sözlərinə görə, hər iki ölkə neftin qiymətinin aşağı düşməsindən zərər çəkib, lakin Azərbaycan böhrandan çıxmaq üçün düzgün addımlar atır. "Azərbaycan düzgün fiskal yanaşma nümayiş etdirir, xərcləri azaldır və öz mövqeyini bərpa etmək üçün addımlar atır. Nigeriya hələlik lazımi islahatları həyata keçirə bilməyib".