“Dünyada ən ucuz qaz bizdədir” - Rövnəq Abdullayev

Bu gün Masallı rayonunun Qızılağac kəndinə ilk dəfə olaraq təbii qaz verilib. Bu münasibətlə keçirilən tədbirdə Dövlət Neft Şirkətinin prezidenti Rövnəq Abdullayev də iştirak edib.


AzNews.az xəbər verir ki, Rövnəq Abdullayev tədbirdə mavi yanacağın qiyməti ilə bağlı məqamlara aydınlıq gətirib.

O, dünyada ən ucuz qazın Azərbaycanda olduğunu bildirib: "Hələ ki, bu məsələlərə baxılmayıb. Amma deyə bilərəm ki, dünyada ən ucuz qaz bizdədir. İrandan da, Rusiyadan da qazın qiyməti aşağıdır. Bir az çətinlik yaradır, ancaq hələ ki, dözürük".