Bu il 80 milyon manat məbləğində ipoteka krediti verilib

Cari ilin yanvar-sentyabr aylarında Azərbaycan İpoteka Fondu vasitəsilə kredit təşkilatları tərəfindən 2000-dən çox şəxsə ümumilikdə 80 milyon manat məbləğində ipoteka krediti ayrılıb.

APA-nın məlumatına görə, bu barədə Nazirlər Kabinetində 2013-cü ilin 9 ayının yekunlarına həsr olunmuş müşavirədə Mərkəzi Bankın İdarə Heyətinin sədri Elman Rüstəmov bildirib.

E. Rüstəmovun sözlərinə görə, Fondun kredit portfeli 500 milyon manata, ipoteka krediti alanların sayı isə 13 min nəfərə çatıb. Dövr ərzində güzəştli ipotekaya çıxış imkanları genişləndirilərək "Elektron ipoteka" sistemi yaradılıb.

AzNews.az