Gürcüstanın turizmdən gəliri artıb

İyun ayında qonşu ölkə xarici turizmdən 340 mln. dollar qazanıb

Bu ilin yanvar-iyun aylarında Gürcüstanın xarici turizmdən əldə etdiyi gəlir 1,5 mlrd. dollar təşkil edib.

Bu barədə Gürcüstanın Milli Turizm Administrasiyası məlumat yayıb.

İllik müqayisədə gəlirdə 95,4 mln. dollar və ya 7% artım qeydə alınıb.

Yalnız iyun ayında isə qonşu ölkə xarici turizmdən 340 mln. dollar qazanıb. Bu da ötən ilin analoji göstəricisindən 14,6 mln. dollar, yaxud 4,5% çoxdur.(report.az)

AzNews.az