Gürcüstan və Ermənistanda koronavirusla bağlı son vəziyyət

Son sutka ərzində sağalanların sayı isə 3 780 nəfərdir

Gürcüstanda son 24 saat ərzində daha 3 907 nəfərdə “COVID-19” aşkarlanması ilə ölkədə koronavirusa yoluxma halı 187 min 6-ya çatıb.

AzNews.az xəbər verir ki, ölkədə sutka ərzində daha 50 nəfərin xəstəlikdən vəfat etməsi ilə ölüm hallarının sayı 1 744-ə çatıb. Son sutka ərzində sağalanların sayı isə 3 780 nəfərdir.

Ermənistanda son sutka ərzində daha 995 nəfərdə koronavirusa yoluxma faktı aşkarlanıb.

Bununla da ölkədə koronavirusa yoluxanların sayı 147 min 312 nəfərə çatıb. Daha 17 nəfərin vəfatı ilə koronavirusdan ölənlərin sayı 2 462-yə çatıb.

Qeyd edək ki, Ermənistanda epidemiyaya görə, martın 16-dan etibarən tətbiq olunan fövqəladə vəziyyət rejimi 11 yanvar 2021-ci ilə qədər uzadılıb.