Yeznə qaynını bıçaqladı

Bakı şəhər sakini Abdullayev Rəşad Səməd oğlu adi bir söz üstündə yaxın qohumuna ağır bədən xəsarəti yetirib. Hadisə paytaxtın Binəqədi rayonunun Biləcəri qəsəbəsindəki Natəvan küçəsində, elə Rəşadın yaşadığı binanın qarşısında baş verib.

Rəşadın sözlərinə görə yeznələri Elşad Babaşovla hər zaman mehriban qohumluq münasibətləri olub. Amma hadisə günü içkinin təsiri altında yeznəsi ilə mübahisə edib. Mübahisə zamanı qohumunun onun ünvanına nalayiq ifadələr işlətməsi onu özündən çıxarıb.

İndi Rəşad törətdiyi əməlinə görə həm qanun qarşısında, həm də öz vicdanı qarşısında cavab verməli olacaq. Amma buna baxmayaraq o, bir müddət azadlığına dəmir barmaqlıqlar arxasından baxmalı olacaq.
(ANS TV)