Bu dağın zirvəsində muzey tikiləcək

Avstriyanın “Coop Himmelbau” arxitektura şirkətinin memarları yeni incəsənət muzeyinin layihəsi üzərində işləyirlər.

AzNews.az AzərTAc-a istinadən xəbər verir ki, muzey İtaliyanın Kalabriya şəhərində, Motte Qrande dağının zirvəsində inşa ediləcək.

Konusşəkilli formaya malik binada fəaliyyət göstərəcək sərgi pavilyonları və restoranın şəhərə gözəl mənzərəsi olacaq.

Layihədə nəzərdə tutulmuş xidməti yerlərlə 2 lift vasitəsilə əlaqə saxlanılacaq. Ziyarətçilər üçün ayrılmış xüsusi zalda isə müvəqqəti sərgilər, leksiyalar keçiriləcək, filmlər nümayiş olunacaq.

Mütəxəssislərin fikrincə, muzeyin tikintisi şəhərin füsunkarlığını artıracaq.