Rusiyanın ən yoxsul və ən varlı şəhərinin adı açıqlandı

RBK telekanalı Rusiyanın ən yoxsul və ən varlı şəhərinin adını açıqlayıb.

AZNEWS.AZ xəbər verir ki, araşdırmadan sonra məlum olub ki, ən yoxsul şəhər Yakutiyada yerləşən Verxoyansk şəhəridir.

Bu şəhərin sakinləri 2012-ci ildə orta hesabla ayda 21 rubl maaş alıblar. Yoxsul şəhər siyahısına Penza vilayətinin Sursk, Smolensk vilayətinin Demidov və Rudnya, Nijeqorod vilayətinin Vorsma şəhərləri də salınıb.

Ən bahalı şəhər isə Xantı-Mansiysk muxtar dairəsində yerləşən Nadım şəhərinə qismət olub.

Bu şəhərin sakinləri ayda 90.4 min rubl maaş alırlar. Leninqrad vilayətinin Primorsk şəhəri də varlı şəhər kimi tarixə düşüb.