Azərbaycan və regionun klassik musiqi həyatında ən mühüm hadisəyə çevrilən Qəbələ Beynəlxalq Musiqi Festivalı bu il öz 10 illik yubileyini qeyd edir. Heydər Əliyev Fondu və Gilan Holding tərəfindən təşkil edilən festival 30 iyul - 7 avqust tarixlərində Qəbələ şəhərində keçiriləcək. Azərbaycan və regionun klassik musiqi həyatında ən mühüm hadisəyə çevrilən Qəbələ Beynəlxalq Musiqi Festivalı bu il öz 10 illik yubileyini qeyd edir. Heydər Əliyev Fondu və Gilan Holding tərəfindən təşkil edilən festival 30 iyul - 7 avqust tarixlərində Qəbələ şəhərində keçiriləcək.

X Qəbələ Beynəlxalq Musiqi Festivalının təntənəli açılışı keçirilir

Azərbaycan və regionun klassik musiqi həyatında ən mühüm hadisəyə çevrilən Qəbələ Beynəlxalq Musiqi Festivalı bu il öz 10 illik yubileyini qeyd edir. Heydər Əliyev Fondu və Gilan Holding tərəfindən təşkil edilən festival 30 iyul - 7 avqust tarixlərində Qəbələ şəhərində keçiriləcək.

AzNews.az xəbər verir ki, bu gün festivalın təntənəli açılış mərasimi keçirilib. Festivalda Azərbaycandan və xarici ölkələrdən görkəmli musiqiçilər, solistlər, dirijorlar iştirak edirlər.

Festivalda Rusiya, İsrail, ABŞ, İtaliya, Avstriya, İsveçrə, İspaniya, Türkiyədən dünya şöhrətli dirijorlar və musiqiçilər – Oksana Yablonskaya, Dmitri Yablonski, Janna Qandelman, Annel Qreqori, Olqa Yermakova, Eduard Vulfson, Nora Romanov-Şvartsberq, Tomer Lev, Mine Kurtoğlu, Mixail Xoxlov, Salvador Brotons və başqaları iştirak edirlər.

Festival çərçivəsində keçirilən konsertlərdə Ü.Hacıbəyli adına Azərbaycan Dövlət Simfonik Orkestri, Ü.Hacıbəyli adına Bakı Musiqi Akademiyasının “Baku Chamber Orchestra” Gənclər Kamera Orkestri, Ü.Hacıbəyli adına Bakı Musiqi Akademiyasının Tələbə Simfonik Orkestri, “Qaytağı” ansamblı, “Clarte” klarnet kvarteti, “Furioso” kvarteti, Yerusəlim Simfonik Orkestri, Jovenes Clasicos del Son instrumental qrupu (Kuba), Tbilisi Big Band orkestri (Gürcüstan), Gypsy Band (Budapeşt), Xalq artistləri Fərhad Bədəlbəyli, Murad Adıgözəl-zadə, Yeganə Axundova, Şükür Səmədov,Ənvər Sadıqov, Samir Cəfərov, Əməkdar artistlər Fuad İbrahimov, Aleksey Miltıx, Sahib Paşazadə, Çinarə Heydərova, Emil Əfrasiyab, beynəlxalq müsabiqələr laureatları Səidə Tağızadə, Nərmin Nəcəfli, Cavad Tağızadə, Məhərrəm Hüseynov, Mahir Tağızadə, Taleh Yahyayev, Ziba Rəcəbli, Toğrul Hüseynli, Vurğun Vəkilov, istedadlı gənc solistlər, muğam ifaçıları və b. çıxış edəcəklər.

Festivalda Xalq artisti, M.Maqomayev adına Azərbaycan Dövlət Akademik Filarmoniyasının direktoru Murad Adıgözəl-zadə tərəfindən təşkil olunan və Xalq artisti, festivalın bədii rəhbəri Fərhad Bədəlbəyli tərəfindən dəstəklənən “Gənclərə dəstək” layihəsinin iştirakçıları, istedadlı musiqiçilər konsert proqramı ilə çıxış edəcəklər.

Builki festival daha bir əlamətdar hadisə ilə yadda qalacaqdır. Belə ki, bu il dahi Azərbaycan bəstəkarı Qara Qarayevin anadan olmasının 100 illik yubileyi qeyd olunur. Bəstəkar yad edilərək, festival çərçivəsində onun ölməz əsərləri səslənəcək.

Elgün
AzNews.az