Hamımızın meyit bildiyi adam idi, öldü, dirildi

İndi həyatda olmayan möhtəşəm aktyor Tofiq Qarayevlə 4 gün öncə redaksiyada görüşdük. Ağır xəstə olduğunu bilirdim. Ondan müsahibə almışdım. Maraqla qarşılanmışdı. Dedi ki, bir də yazım. Xəstə olduğunu pullu və vəzifəli adamlara çatdırım. Mədəniyyət və Turizm Nazirliyinə get, dedim. Cavabından anladım ki, nazir müavini Ədalət Vəliyevin yanında olub. O da hamıya dediyini təkrar edib - "çalışarıq, kömək edək".

Ölüm Əbülfəz Qarayevdən daha tez tərpəndi, daha alicənablıq edib, qoymadı yüksək istedada sahib, Cəfər Cabbarlının məhz diri Oktay Eloğlusu olan bu insan əzab çəksin.

Yazaram dedim. 5-dəqiqəlik otağıma qayıtdım. Geri dönəndə artıq gedirdi. Nəşriyyatın dəhlizində addımlayan bu adama baxıb, uca səslə dedim: getdi ölməyə. Bu sözümü həmkarım Şamxal eşitdi. Soruşdu: "Kim?" Dedim: "Meyit". Təəcüblə baxaraq əlini yellədi...

Bəli, meyit. Hər meyit ölü deyil. Tofiq Qarayev hamımızın meyit bildiyi adam idi, öldü dirildi.

Ceyhun Musaoğlu
AzNews.az

DİGƏR XƏBƏRLƏR