Ağadadaş Ağayevdən yayılan videoya - REAKSİYA

"Bu videodan Ağadadaş Ağayevin xəbəri var və videonu görüb".
Bunu AzNews.az-a Ağadadaş Ağayevin köməkçisi Əzizağa Qurbanov Xalq artistinin gizli videosunun yayılmasına münasibət bildirərkən deyib. Onun sözlərinə görə, kadrlar Ağadadaş Ağayevin konsertindən sonra çəkilib: "Bu, kadrlar konsertdən sonra olub. Özü də çoxdan çəkilmə kasetdir. Məncə, narahat olacaq heç bir şey yoxdur. Axı, orada nə var ki?"

Qeyd edək ki, yayılan videoda xalq artisti Ağadadaş Ağayevin köynəyinin düymələrini açmış halda "Sevgili canan" romansı oxuduğu görüntülənib. Videolentin içki və istirahət məkanında telefonla gizli çəkildiyi bəlli olur.

Bahar Rüstəmli
AzNews.az