Qızılağac Milli Parkında yanğın

Hazırda yanğının ətraf ərazilərə yayılmaması və söndürülməsi istiqamətində işlər aparılır

Qızılağac Milli Parkında yanğın hadisəsi baş verib.

Ekologiya və Təbii Sərvətlər Nazirliyinin mətbuat xidmətindən AzNews.az-a verilən məlumata görə, Lənkəran şəhəri Balıqçılar qəsəbəsində taxıl zəmisində baş verən yanğın külək nəticəsində Qızılağac Milli Parkının ərazisinə keçib.

Yanğının söndürülməsinə dərhal milli parkın əməkdaşları, Fövqəladə Hallar Nazirliyinin yerli qüvvələri cəlb olunub.

Hazırda yanğının ətraf ərazilərə yayılmaması və söndürülməsi istiqamətində işlər aparılır.