- Qanundan kənarda
- 8 May 2021 13:51
- 5 720
Ağcabədidə çətənə bitkisi yetişdirən şəxs saxlanılıb
Faktla bağlı Ağcabədi RPŞ-də araşdırmalar davam etdirilir
Ağcabədi Rayon Polis Şöbəsinin əməkdaşları narkotik tərkibli bitkilərin qanunsuz kultivasiyasına qarşı əməliyyat tədbiri həyata keçirib.
DİN-in Mətbuat Xidmətinin Bərdə regional qrupundan verilən məlumata görə, daxil olmuş məlumat əsasında polis əməkdaşları tərəfindən keçirilən əməliyyat-axtarış tədbirləri nəticəsində narkotik tərkibli bitkilərin kultivasiyası ilə məşğul olmaqda şübhəli bilinən, rayonun Avşar kənd sakini Tapdıq Nəcəfov saxlanılıb.
Onun yaşadığı evin həyətyanı sahəsinə baxış zamanı qanunsuz olaraq əkib yetişdirdiyi 64 ədəd çətənə bitkisinin kolları aşkar edilərək götürülüb.
Faktla bağlı Ağcabədi RPŞ-də araşdırmalar davam etdirilir.