“Fulya Öztürk haqqında çəkiləcək film yersizdir” - Turan İbrahimov

Jurnalistin sosial şəbəkədə yazdığı bu status müzakirələrə səbəb olub, o, tənqid edilib

“Türkiyəli həmkarımız Fulya Öztürk əslində heç bir fədakarlıq etməyib. Gördüyü iş ona çalışdığı media qurumu tərəfindən göstərilmiş böyük etimad idi. O da etimadı yüksək peşəkarlıqla doğruldub. Qarşılığında da gözəl maaş, əlavə bonus, mükafatlar alıb”.

Aznews.az xəbər verir ki, bunu jurnalist Turan İbrahimov deyib.

“Bəli, gözəl reportyorluq keyfiyyətləri, üstəlik də yaxşı artistizmi var. Məhz artistizmidir onu xüsusi edən. Və təbii ki, həm də özünəməxsus, xoş xarici görünüşü. Demək istədiyim odur ki, Fulya xanım haqqında çəkiləcək film nədir, nə üçündür bilmirəm, amma məncə, yersizdir. Həm də çox yersiz…” – T.İbrahimov qeyd edib.

Jurnalistin sosial şəbəkədə yazdığı bu status müzakirələrə səbəb olub, o, tənqid edilib.