40 nəfər asılacaq

Yaxın zamanda Ərdəbildə 40 nəfər edam ediləcək. Bu barədə məlumatı Ərdəbilin Mərkəzi Məhkəməsinin sədri Qulaməli Rzayi verib. Məhkəmə sədrinin sözlərinə görə, narkotik qaçaqmalçılığında təqsirləndirilən və ölüm cəzasına məhkum edilən 40 nəfər barəsində müxtəlif vaxtlarda çıxarılan qərar yaxın günlərdə icra ediləcək.

Qeyd edək ki, artıq noyabrın 12-də Ərdəbildə üzərindən 322 qr heroin götürülən bir nəfər edam edilib. Yerli məhkəmənin çıxardığı ölüm hökmü Ərdəbil vilayətinin Mərkəzi Məhkəməsi tərəfindən təsdiq edildikdən sonra icra olunub.

Alpər Oğuz
AzNews.az