Sakinlər suyun kəsilməsinə etiraz etdilər - Tovuzda

Tovuz şəhərində sakinlər yolu bağlayaraq aksiya təşkil ediblər.

Nəticədə şəhərin mərkəzi prospektində avtomobillərin hərəkəti çətinləşib, tıxac yaranıb.

Sakinlər bildirib ki, Nəsimi, M.Rəsulzadə, Y.Sadıqov küçələrinə 15 gündür içməli su verilmir. Buna etiraz olaraq sakinlər yolu bağlayıblar.

Əraziyə Tovuz rayon Polis Şöbəsinin (RPŞ) əməkdaşları gəlib. Yolda hərəkət bərpa olunub.

Tovuz Su-Kanal idarəsinin rəsi Azər Süleymanov bildirib ki, son günlər havanın yağmurlu olması nəticəsində Zəyəm çayında sululuq artırıb: "Buna görə də şəhərə su verilməsində çətinlik yaranıb. Sakinlərin içməli suya olan tələbatını ödəmək üçün bu gün həmin küçələrə su daşıyan maşınlarla içməli su gətirilib. Əhaliyə içməli suyun verilməsində yaranan problemlər iki gün ərzində həll olunacaq və sakinlər əvvəlki qaydada içməli su ilə təmin olunacaqlar".

Report.az