“Məni xalq seçib“

Suriya prezidenti Bəşər Əsəd istefaya getmək niyyətində olmadığını bəyan edib vəzifədən getmək kimi çağırışları qəbuledilməz olduğunu qeyd edib.

APA-nın məlumatına görə, bu barədə B.Əsəd Argentina KİV-lərinə müsahibəsində deyib.

"Kimsə deyəndə ki, Suriya prezidenti istefa verməlidir, bu qəbuledilməzdir, çünki bunu ABŞ, digər dövlətlər və terrorçuların arzusudur", deyə Əsəd qeyd edib. "Məni xalq seçib və mənim hakimiyyətdə qalmağıma dair qərarı məhz xalq verməlidir, 2014-cü il seçkilərinin nəticələrini isə səsvermə göstərəcək", deyə o əlavə edib.

"Bundan başqa, hal-hazırda ölkədə böhrandır. Gəmi fırtınaya düşəndə kapitan onu atıb qaçmamalıdır. İstefa vermək qaçmaq deməkdir", deyə Suriya prezidenti vurğulayıb.

AzNews.az