İrandan vəhhabi təhlükəsi ilə bağlı xəbərdarlıq

İran mətbuatı “vəhhabi” adı ilə tanınan sələfilərin Türkiyədə geniş fəaliyyət göstərdiyini iddia etməklə iki ölkə arasında daha bir qalmaqalın əsasını qoyub

İranın "Fars" agentliyinin məlumatına görə, Türkiyə Almaniyadakı təhlükədən xəbərsiz kimi vəhhabilərə qarşı heç bir tədbir görmür.

"Mərkəzi Səudiyyə Ərəbistanı və Pakistan olmaqla radikal dinçi qruplar Türkiyədə çox sayda dərnəklər yaradır, tələbələri xaricə aparırlar.

Almaniyada son günlərdə qadağan edilən Sələfi dini cərəyanı dünya miqyasında təhsil fəaliyyətini getdikcə genişləndirir. Türkiyədə leqal fəaliyyət göstərən bəzi dərnək və vakıflar Səudiyyə Ərəbistanı, Pakistan, hətta Misirdəki radikal mədrəsələrə tələbə toplayır".

Elnarə Əlosmanqızı
AzNews.az