İranda avtobus dərəyə aşdı - 18 ölü

İranın Mazandaran vilayətində baş vermiş ağır yol-nəqliyyat hadisəsi nəticəsində ölənlərin sayı 18 nəfərə çatıb.

APA-nın İSNA-ya istinadən verdiyi məlumata görə, yaralıların sayının isə 25 nəfər olduğu bildirilir.

Qeyd edək ki, fevralın 18-də yerli vaxtla səhər saat 04:15-də Larican şəhərinin Polur məntəqəsində Qorqan-Tehran marşrutu ilə hərəkət edən "Volvo" markalı sərnişin avtobusu dərinliyi 40 metr olan dərəyə aşıb.


AzNews.az