Ermənistan Müdafiə Nazirliyinin Naxçıvan yalanı

Son günlər mətbuatda Naxçıvanla Ermənistan sərhəddində gərginlik yaşanması ilə bağlı dezoinformasiylar dolaşır. Hətta erməni mətbuatının yaydığı məlumatlarda hərbi əməliyyatlar nəticəsində erməni əsgərlərinin həlak olduğu da bildirilir. Təəssüflər olsun ki, ölkədə fəaliyyət göstərən xəbər saytları da Ermənistanın dezo "tarpedaları"na istinadla bu xəbəri Azərbaycan cəmiyyətinə yaymaqla çaşqınlıq yaradırlar.

Ermənistanın "Reqnum" agentliyi və "Razm.info" saytı xüsusi olaraq Azərbaycana qarşı dezoinformasiyalar yayaraq Ermənistan-Azərbaycan Dağlıq Qarabağ münaqişəsinin həlli istiqamətində dünya ictimaiyyətinə yalan informasiya sırımaqla məşquldurlar.
Naxçıvandakı hərbi mənbələrdən Aktual.az-a daxil olan məlumatda bildirilir ki, Naxçıvanda heç bir atışma olmayıb:
"Ermənistan ordusundakı "dedovşina" halları, xaos o həddə gəlib çatıb ki, əsgərlər, zabitlər bir-birlərini güllələyib öldürürlər.

Naxçıvanın Sədərək rayonu ilə həmsərhəd olan Araratda Ermənistan ordusunun əsgəri öz əsgər yoldaşını güllələyib. Ermənistan Müdafiə Nazirliyi də bu məlumatı özlərinin "dezoruporları" vasitəsi ilə dünya ictimaiyyətinə fərqli şəkildə ötürüb, Azərbaycana qarşı istifadə etməyə çalışırlar".