İvanişvili Moskvaya Zurab Abaşidzeni göndərir

Gürcüstanın yeni Baş naziri Bidzin İvanişvili Rusiya Məsələləri üzrə Şəxsi Nümayəndə təyin edəcək. AzNews.az-ın Rusiya mətbuatına istinadən verdiyi xəbərə görə, yeganə namizəd Gürcüstanın Moskvadakı keçmiş səfiri Zurab Abaşidzedir.

Abaşidze özü də bu vəzifəyə təyin oluna biləcəyi ilə bağlı məlumatı təsdiqləyib. Rusiyada isə hesab edirlər ki, Abaşidzenin təyinatı münasibətlərin normallaşması baxımından müsbət hadisədir.

Qeyd edək ki, o, 2000-2004-cü illərdə Gürcüstanın Moskvadakı diplomatik missiyasına rəhbərlik etmiş və Rusiyada güclü əlaqələri olan bir şəxsdir.

Sadiq Musa
AzNews.az