Daha 2 erməni “donuz qripi”ndən öldü

Ermənistanda H1N1 virusundan (“donuz qripi”) daha 2 ölüm halı qeydə alınıb.

AzNews.az erməni KİV-lərinə istinadən xəbər verir ki, bu barədə Ermənistan Səhiyyə Nazirliyi məlumat yayıb. Məlumata görə, ölən şəxslər yanvarın 9-da ağır vəziyyətdə xəstəxanaya çatdırılıblar. Onlar ağciyərin süni ventilyasiyası aparatına qoşulublar.

Son məlumatlara görə, daha 7 nəfər ağır vəziyyətdə süni ventilyasiya aparatına aparatına qoşularaq müalicə alır.

Qeyd edək ki, Ermənistanda H1N1 virusundan ölənlərin sayı 16 nəfərə çatıb.

Aydan AXUNDOVA