Rusiyada daha bir ev uçdu, 15 nəfər təxliyyə edildi - VİDEO

Binanın uçan tərəfində yaşayış olmayıb.

Rusiyada dördmərtəbəli binanın divarı uçub. Nəticədə 15 nəfər təxliyyə edilib. Hadisə zamanı zərər çəkən olmayıb.

AzNews.az Ukrayna mediasına istinadən xəbər verir ki, hadisə Rostov vilayətinin Novoçerkassk şəhərində qeydə alınıb.

Binanın uçan tərəfində yaşayış olmayıb. Digər tərəfdə isə ofislər və boulinq mərkəzi fəaliyyət göstərib.

Təxliyyə edilən insanlar da boulinq mərkəzində dincələnlər olub.

Xatırladaq ki, dekabrın 31-də Rusiyanın Maqnitoqorsk şəhərində yaşayış binası partlayıb. Nəticədə 39 nəfər dünyasını dəyişib.

Babək Göyüş

© AzNews.az