Rusiyada yüksək rütbəli zabitə qarşı sui-qəsd planının qarşısı alınıb

Rusiya Federal Təhlükəsizlik Xidməti (FSB) Sankt-Peterburqda yüksək rütbəli hərbi məmura qarşı planlaşdırılan hücumun qarşısının alındığını açıqlayıb.

Bəyanatda əlavə edilib ki, iki Rusiya vətəndaşı Ukrayna təhlükəsizlik qüvvələrinin təlimatları ilə hərəkət etməkdə şübhəli bilinərək saxlanılıb.

FSB şübhəlilərin Rusiya Müdafiə Nazirliyinin zabitini hədəf almaq üçün əldəqayırma partlayıcı qurğudan istifadə etməyi planlaşdırdıqlarını və onların qanunsuz fəaliyyətlərinin təhlükəsizlik qüvvələri tərəfindən qarşısının alındığını bildirib.

Bəyanatda iddia edilir ki, şübhəlilər Ukrayna xüsusi xidmət orqanının əməkdaşı ilə sosial media vasitəsilə əlaqə saxlayıb və hücum niyyətlərini yazılı şəkildə bildiriblər.

FSB-nin məlumatına görə, şübhəlilər təlimatlara uyğun hərəkət edərək gizli anbardan əldəqayırma partlayıcı qurğu götürüb, hədəf ərazini araşdırıb və bombanı zabitin avtomobilinin altına yerləşdiriblər. Partlayıcı maddə təhlükəsizlik qüvvələri tərəfindən aşkar edilərək zərərsizləşdirilib.

Saxlanılan şübhəlilərə qarşı cinayət ittihamlarının irəli sürülüb-sürülməyəcəyi ilə bağlı hələlik rəsmi açıqlama verilməyib. Hadisə ilə bağlı istintaq davam edir.

Mövsüm,

AzNews.az