Aygün Natiq Əliyevin oğlu ilə sevgili imiş - Video

Xalq artisti Aygün Kazımova ilk dəfə məmur oğluyla yaşadığı sevgi münasibətindən danışıb.

AzNews.az-ın Qafqazinfo-ya istinadən məlumatına görə, Aygün Kazımova "ATV maqazin onlarla" verilişinin "İnanmayacaqsız" rubrikasında sevgilisindən ayrılma səbəbini açıqlayıb:

"Sevgilim var idi, bir-birimizi çox sevirdik. Bizim sevgimiz şəhərə yayıldı. Özü məşhur biznesmenin övladı idi. Səhnədə çıxış edən zaman gəlib məni dinləyirdi. Şəhərdəki qızların aşiq olduğu biri idi. Əvvəlcə onu tanımırdım. Elə gözəl sevgimiz var idi ki…Onun valideynləri bundan xəbərdar oldular, düşündülər ki, oğullarını itirirlər. İtirmək qorxusunun qarşısında aciz qaldılar. Bizi sevə-sevə ayırdılar. Onu başqa ölkəyə göndərdilər. Ondan sonra telefon bağlantılarına, ölkəyə gəlişini nəzarət edirdilər. Dəhşətli bir ayrılıq idi. Onu güclə evləndirdilər. Ailə qurdu, gözəl bir övladı dünyaya gəldi. Artıq taleyimizlə barışdıq. O, müğənni Aygün Kazımovayla evlənməməli imiş…Taleyi elə gətirdi ki, ailəsi dağıldı, ikinci dəfə isə müğənni ilə evləndi. Elə bir müğənni ilə evləndi ki, onun səhnəyə gəlməsində, ilk addımlarını atmasında əməyim olub".

"Qafqazinfo"nun əldə etdiyi məlumata görə, Aygün Kazımovanın sevgili olduğu şəxs energetika naziri Natiq Əliyevin oğlu Fərhad Əliyevdir. Nazir oğlu hazırda müğənni Safura Əlizadə ilə evlidir. Cütlük Türkiyədə yaşayır, bir övladları var.