"Jara" festivalında növbəti gün - Sofiya Rotarunun yubileyi (Fotolar)

Bakıda keçirilən "Jara" festivalı çərçivəsində Sofiya Rotarunun 70 illik yubileyi qeyd olunub.

AzNews.az xəbər verir ki, gecəyə Ani Lorak, Olqa Buzova, Timur Rodriqez, Qlükoza, Valeriya və digər məşhurlar qatılıb.

Yubiley gecəsində iştirak edən qonaqlardan biri də Azərbaycan SSR xalq artisti, Azərbaycanın Rusiyadakı fövqəladə və səlahiyyətli səfiri Polad Bülbüloğlu olub. O, səhnədə ifa edərək, Sofiya Rotarunu yubileyi münasibətilə təbrik edib.

Qeyd edək ki, Sofiya Rotaru Bakıya ailə ilə - həyat yoldaşı, oğlu və qız nəvəsi ilə birlikdə gəlib.