Bu gün xalq artistlərinin məhkəməsi olacaq

Bu gün Nəsimi Rayon Məhkəməsində Azərbaycanın və Dağıstanın xalq artisti İlhamə Quliyevanın xalq artisti Nazpəri Dostəliyevaya qarşı şərəf və ləyaqətin, işgüzar nüfuzun müdafiəsi və dəymiş ziyanın ödənilməsinə dair iddiası üzrə mülki işin hazırlıq iclası keçiriləcək.

"Qafqazinfo" xəbər verir ki, bu barədə İlhamə Quliyevanın mətbuat katibi Faiq Ələkbərli sosial şəbəkələrdə məlumat paylaşıb.

Xatırladaq ki, İlhamə Quliyeva şərəf və ləyaqətinin, işgüzar nüfuzunun müdafiəsi və ona dəymiş ziyanın ödənilməsinə dair Nazpəri Dostəliyevaya qarşı mülkü iddia qaldırıb. Sənətkar Nəsimi Rayon Məhkəməsindən xahiş edib ki, qarşı tərəfdən maddi ziyana görə 200 000 AZN, mənəvi ziyana görə 500 000 AZN tutulub ona verilsin.

AzNews.az