Nazir oğlu “Aləm gözəl”inə sahib çıxdı

Nəqliyyat nazirinin oğlu, tanınmış iş adamı Anar Məmmədov "Aləm gözəl" mahnısının müəllifi ətrafında yaşanan qalmaqallı məsələyə münasibətini açıqlayıb.

AzNews.az-ın məlumatına görə, bu barədə Anar Məmmədov "Facebook" sosial şəbəkəsindəki səhifəsində yazıb: "Son zamanlar mətbuatda "Aləm Gözəl" mahnısı ətrafında yaranmış müzakirələr ilə əlaqədar olaraq, mövqeyimi açıqlamaq istəyirəm. Qeyd olunan mahnının müəllifi mənəm".

Qeyd edək ki, mahnının müəllifinin Anar Məmmədov olduğunu Əməkdar artist Abbas Baığrov açıqlayıb. Mahnının digər ifaçısı isə Xalq artisti Brilliant Dadaşova mahnının ideya müəllifinin özü olduğunu deyib.

Fuad Mədətov
AzNews.az