- Köhnə - Siyasət
- 8 Noyabr 2012 12:15
- 2 984
Ayaz Mütəllibov prezident seçkilərinə qatılmayacaq
![](https://www.aznews.az/storage/photos/Ayaz Mutellibov.jpg)
“Siyasətdən gedən insan prezidentliyə namizəd ola bilməz”
Azərbaycan Sosial Demokrat Partiyası (ASDP) gələn il ölkədə keçiriləcək prezident seçkilərində iştirak edəcəklərini elan edib. ASDP-nin həmsədri Araz Əlizadə AzNews.az-a bildirib ki, artıq bu barədə partiyanın qurultayında müvafiq qərar qəbul olunub.
Hazırda ASDP-nin 3 mindən çox üzvünün olduğunu vurğulayan A.Əlizadə deyib ki, gələn il keçiriləcək prezident seçkilərində partiyanın namizədinin adı hələlik məlum deyil. Onun sözlərinə görə, seçkilərdə partiyanın namizədini qurultay müəyyən edir: "Əgər partiyamızın namizədi qeydə alınmasa, partiyamızın üzvləri öz seçimlərində tam azaddır".
"Seçkilərdə ASDP-nin namizədi Ayaz Mütəllibov ola bilər?" sualına isə A.Əlizadə belə cavab verib: "Ayaz müəllim artıq siyasətdən getdiyini bəyan edib. Siyasətdən gedən insan prezidentliyə namizəd ola bilməz".
Vasif Həsənli
AzNews.az