İrandan Azərbaycanla bağlı açıqlama

"Türkiyə ilə münasibətlərimiz əvvəlki illərə görə daha yaxşı bir səviyyədədir. Keçən illərdəki səhv anlaşılmalar azalıb. Hazırda Türkiyə ilə çox yaxın əlaqələrə sahibik".

AzNews.az xəbər verir ki, bu barədə İranın Xarici İşlər Nazirliyinin mətbuat katibi Bəhram Qasımi Tasnim xəbər agentliyinə ölkəsinin Türkiyə və bölgə dövlətləriylə əlaqələrinə dair qiymətləndirməsində bildirib.

Ölkəsinin Rusiya, Azərbaycan, Gürcüstan, Pakistan, Əfqanıstan və Qafqaz dövlətləri arasındakı münasibətlərindən danışan Qasımi önümüzdəki mərhələdə də əhəmiyyətli irəliləyişlər olacağını qeyd edib.

Qasımi həmçinin Suriya və İraqda yaşanan irəliləyişlərlə əlaqəli olaraq İŞİD-in burada təsirsiz vəziyyətə gətirilməsinin çox önəmli olduğunu vurğulayıb.

Körfəz ölkələrindən Oman, Küveyt və Qatar ilə də sıx əlaqələr qurulduğunu ifadə edən Qasımi, bölgədə yalnız Səudiyyə Ərəbistanı ilə çətinlik yaşadıqlarını söyləyib.