Hafiz Hacıyev prezidentliyə namizəd oldu

"BAXCP tərəfindən qurumun sədri Qüdrət Həsənquliyevin, Müasir Müsavat Partiyası tərəfindən isə təşkilatın rəhbəri Hafiz Hacıyevin namizədliyinin təsdiqlənməsi ilə bağlı sənədlər Mərkəzi Seçki Komissiyasına təqdim olunub".

APA-nın məlumatına görə, bunu Mərkəzi Seçki Komissiyasının (MSK) bu gün keçirilən iclasında komissiyanın sədri Məzahir Pənahov deyib.

M.Pənahov seçkilərdə müşahidəçilik missiyası ilə də bağlı danışıb. O bildirib ki, müşahidə üçün müraciət edənlərə rədd cavab vermək niyyətində deyilik: "Beynəlxalq müşahidəçilərin müraciətləri daxil olduqca ümumi sayı barədə məlumat verəcəyik".

O, məsələ ilə bağlı MSK-nın hüquq məsələləri üzrə şöbəsinə əlavə tapşırıqlar verib.

AzNews.az