Rəsmi Bakıdan Qarabağa gedən müğənni haqda sərt açıqlama

“Rusiyalı opera müğənnisi Lyubov Kazarnovskaya “Dağlıq Qarabağ Respublikası”na səfər etməklə bütün mövcud beynəlxalq normaları pozub”.

AzNews.az-ın Anspress-ə istinadən məlumatına görə, bu barədə Azərbaycanın Rusiyadakı səfiri Polad Bülbüloğlu açıqlama verib.

Kazarnovskayanın sənətinə hörmət edildiyini deyən səfir bildirib ki, Azərbaycan hökuməti Kazarnovskaya Dağlıq Qarabağa getdiyinə və bununla da mövcud beynəlxalq normaları pozduğuna görə belə addım atıb.

Diplomat bir daha bəyan edib ki, bu vəzifəsindən asılı olmayaraq hamıya şamil edilir.

Polad Bülbüloğlu tanınmamış Dağlıq Qarabağ ərazisinə səfər etmək üçün Azərbaycan hökumətindən icazə almağın vacibliyini bildirdi.

Azərbaycan Xarici İşlər Nazirliyi də Lyubov Kazarnovskayanın Azərbaycanın Ermənistan tərəfindən işğal olunmuş ərazilərinə qanunsuz səfərinə münasibət bildirmişdi.

"Rusiyanın opera müğənnisi Lyubov Kazarnovskaya "Azərbaycanın dövlət sərhədi haqqında" qanunu pozaraq, qeyri-qanuni şəkildə Azərbaycanın Ermənistan tərəfindən işğal olunmuş ərazilərinə səfər edib. Müvafiq prosedur qaydalarına uyğun olaraq aparılan araşdırma nəticəsində bu şəxsin adı arzuolunmaz şəxslər siyahısına daxil ediləcək".