3 gün bu yollar bağlı olacaq 3 gün bu yollar bağlı olacaq
  • Toplum
  • 23 İyul 2019 14:32
  •  2 729

Bu ərazilərdə nəqliyyatın hərəkəti tam məhdudlaşdırılacaq - DYP-dən açıqlama

3 gün bu yollar bağlı olacaq

Bakıda keçirilən Avropa Gənclərin Yay Olimpiya Festivalı ilə əlaqədar bəzi küçə və prospektlərdə nəqliyyatın hərəkət istiqaməti günün müəyyən saatlarında dəyişdiriləcək.

AzNews.az xəbər verir ki, bu haqda Bakı Şəhər Dövlət Yol Polisi İdarəsinin bölmə rəisi, polis polkovniki Vaqif Əsədov mətbuata açıqlamasında bildirib:

"Velosiped yarışlarının keçirilməsi ilə əlaqədar olaraq 23 iyul tarixində saat 16:00-dan 20:00-a qədər Salyan yolunun 14-cü km-dən Bibiheybət məscidinə qədər nəqliyyatın hərəkəti tam məhdudlaşdırılacaq".

Eyni zamanda iyulun 24-ü və 25-də əsas yarışların keçirilməsi ilə əlaqədar olaraq Azneft dairəsindən başlayaraq Saylan şosesinin 14-cü km-ə qədər, həmçinin Bayıl qəsəbəsi istiqamətində olan küçə və prospektlərdə səhər saat 9:00-dan 13:00-a və 16:00-dan 20:00-a qədər nəqliyyatın hərəkəti tam məhdudlaşdırılacaq.

Bakı şəhər Dövlət Yol Polisi İdarəsi sürücülərdən alternativ yollardan istifadə etməyi xahiş edir.

Səidə Vahid

AzNews.az