Qatarların hərəkət qrafiki dəyişdirildi

Abşeron dairəvi dəmir yolu xəttində hərəkət edən qatarların sayı azaldılıb

"Azərbaycan Dəmir Yolları" QSC (ADY) Abşeron dairəvi dəmir yolu marşrutu üzrə hərəkət edən qatarların hərəkət cədvəlində dəyişiklik edib.

ADY-dən AzNews.az-a verilən məlumata görə, dəyişiklik Nazirlər Kabineti yanında Operativ Qərargahın ölkə ərazisində koronavirus infeksiyasının geniş yayılmasının qarşısının alınmasına dair əlavə tədbirlər haqqında qərarına uyğun olaraq edilib. Bu məqsədlə, Abşeron dairəvi dəmir yolu xəttində hərəkət edən qatarların sayı azaldılıb.

Qatarlar karantin günlərində fəaliyyətini davam etdirmək zərurəti yaranan müəssisələrin əməkdaşlarının işə gediş-gəlişinin təmin edilməsinə xidmət göstərəcək. Yeni qrafik aprelin 1-dən karantin müddəti bitənədək qüvvədə olacaq. Qatarların hərəkət qrafiki ilə ətraflı bu cədvəldə tanış olmaq mümkündür.