• Toplum
  • 25 Yanvar 11:45
  •  1 757

Məktəbdəki şagird tərbiyəsizliyi ilə bağlı nazirlikdən açıqlama - VİDEO

"Bu görüntülərin bizim məktəblərdə olması ilə bağlı əlimizdə hansısa fakt yoxdur"

Sosial şəbəlkələrdə sinif otağında şagirdlərin müəllimə qarşı xoşagəlməz hərəkətlərini əks etditən videogörüntülər yayılıb. Görüntülərin hansı məktəbdə qeydə alındığı məlum deyil. Məktəbli partlarının üzrərindəki bəzi ifadələr həmin hadisənin ölkədə fəaliyyət göstərən məktəblərin birində qeydə alındığı fikrini yaradır.

Təhsil Nazirliyinin mətbuat katibi Cəsarət Valehov Modern.az-ın sorğusuna cavab olaraq bildirib ki, sözügedən video bir müddət əvvəl də yayımlanıb:

“Sadəcə bizim müəssisələrdə olması ilə bağlı heç bir sübut və dəlil yoxdur. O videonun harada çəkildiyi bəlli deyil. Bu videonun bizim məktəblərdə olması hələ inandırıcı görünmür. Ola bilsin haradasa başqa ölkədə çəkilib”.

C.Valehov videoda partanın üzərində “oğru, “aye”, “quli” sözlərinin yazılmasının Azərbaycan məktəbi olmasına əsas olmadığını vurğulayıb.

O qeyd edib kimi sözlər bizdə olmaya da bilər:

“Dağıstanda, İquşetiya da “aye”, “oğru”, “quli” ifadələri işlənilir. Mən bunun harada baş verdiyini bilmirəm. Bu görüntülərin bizim məktəblərdə olması ilə bağlı əlimizdə hansısa fakt yoxdur. Aparılan araşdırma nəticəsində hadisənin Azərbaycanda olub-olmaması ilə bağlı məlumat əldə edə bilməmişik”.