Müvəkkil qəbul zamanı əsir və itkin düşmüş vətəndaşlarımızın ailə üzvlərinin problemlərini dinləyib Müvəkkil qəbul zamanı əsir və itkin düşmüş vətəndaşlarımızın ailə üzvlərinin problemlərini dinləyib
  • Toplum
  • 31 Avqust 2022 18:33
  •  4 986

Ombudsman I Qarabağ müharibəsi dövründə əsir, girov və itkin düşmüş şəxslərin ailə üzvləri ilə görüşüb

Müvəkkil qəbul zamanı əsir və itkin düşmüş vətəndaşlarımızın ailə üzvlərinin problemlərini dinləyib

İnsan Hüquqları üzrə Müvəkkil (Ombudsman) Səbinə Əliyeva 30 Avqust – Beynəlxalq İtkin Düşmüşlər Günü ərəfəsində Birinci Qarabağ müharibəsi dövründə itkin düşmüş vətəndaşlarımızın ailə üzvləri ilə görüş keçirib.

Aznews.az xəbər verir ki, Ombudsman Aparatından verilən xəbərə görə, görüşdə Birinci Qarabağ müharibəsi və sonrakı dönəmdə əsir və itkin düşmüş, girov götürülmüş 3890 azərbaycanlının taleyi haqqında Ermənistan tərəfinin bu günədək məlumat verməməsinin beynəlxalq hüquq və beynəlxalq humanitar hüquq normalarına zidd olduğu vurğulanıb.

Azərbaycan Ombudsmanı tərəfindən beynəlxalq təşkilatların nümayəndələri ilə görüşlər, xarici səfərlər zamanı bu mövzunun mütəmadi olaraq diqqətə çatdırıldığı qeyd olunub.

Müvəkkil qəbul zamanı əsir və itkin düşmüş vətəndaşlarımızın ailə üzvlərinin problemlərini dinləyib, müraciətlərinin həlli ilə bağlı zəruri addımlar atılacağını bildirib.