Qazaxıstanda təyyarə qəzasında həlak olanların xatirəsi bir dəqiqəlik sükutla yad olunub - FOTO

25 dekabr 2024-cü ildə “Azərbaycan Hava Yolları”na məxsus sərnişin təyyarəsinin Qazaxıstanda qəzaya uğraması nəticəsində həyatını itirən insanların xatirəsi anılıb.

Aznews.az xəbər verir ki, qəzada həyatını itirən insanların xatirəsi dekabrın 25-də Bakı vaxtı ilə saat 12:00-da Heydər Əliyev Beynəlxalq Aeroportunda bir dəqiqəlik sükutla yad olunub.

Xatırladaq ki, Azərbaycan Respublikasının Bakı şəhərindən Rusiya Federasiyasının Qroznı şəhərinə J2-8243 reysi üzrə müntəzəm uçuş həyata keçirən, “Azərbaycan Hava Yolları” QSC-yə (“AZAL”) məxsus və dövlət reyestrində 4K-AZ65 nömrəsi ilə qeydiyyata alınmış Embraer 190-100 IGW tipli sərnişin hava gəmisinin Qazaxıstan Respublikası ərazisində Aktau hava limanı yaxınlığında qəzaya uğramasından bir il ötür.

Qəza nəticəsində iki uçuş heyəti üzvü (kapitan və ikinci pilot), böyük təyyarə bələdçisi və 35 sərnişin həlak olub.