Berdiməhəmmədov bu nazirə şiddətli töhmət verdi

Nazir öz səlahiyyətlərini lazımi qaydada icra edə bilməyib

Türkmənistan Milli Təhlükəsizlik naziri Yalım Berdiyevə şiddətli töhmət elan edilib.

Bu məlumatı Türkmənistan dövlət mətbuatı yayıb. Məlumata görə, şiddətli töhmət Dövlət Təhlükəsizlik Şurasının iclasında Türkmənistan Prezidenti Qurbanqulu Berdiməhəmmədov tərəfindən elan edilib.

Ona şiddətli töhmətin öz səlahiyyətlərini lazımi qaydada icra edə bilmədiyi üçün verildiyi bildirilib.

Qeyd edək ki, Yalım Berdıyev Türkmənistan Milli Təhlükəsizlik Nazirliyinə iki dəfə rəhbərlik edib. Birinci dəfə o, bu vəzifəyə 2011-2015-ci illərdə rəhbər gətirilib, ikinci dəfə isə bu vəzifəyə 2018-ci ildə layiq görülüb. (Axar.az)

AzNews.az