Ermənistanda bir gündə koronavirusa rekord yoluxma

Ümumilikdə 1666 pasiyent müalicə olunaraq sağalıb

Ermənistanda koronavirusa yoluxanların sayı sutka ərzində daha 184 nəfər artaraq 4044-ə çatıb.

AzNews.az xəbər verir ki, bu barədə Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzin saytında məlumat verilib.

Xəstəlik səbəbindən həyatını itirənlərin sayı daha 3 nəfər artaraq 52-yə çatıb. Ümumilikdə 1666 pasiyent müalicə olunaraq sağalıb.

2304 xəstənin müalicəsi davam etdirilir, 37 476 insan isə koronavirus testindən keçib.

Qeyd edək ki, Ermənistanda epidemiyaya görə martın 16-dan etibarən tətbiq olunan fövqəladə vəziyyət rejimi 13 iyuna qədər uzadılıb.