Əfqanıstanda bomba partlayıb - Ölənlər var

“Taliban” hələlik hadisəyə münasibət bildirməyib

Əfqanıstanda yol kənarına yerləşdirilən bombanın partlaması nəticəsində 7 mülki vətəndaş həlak olub, 6 nəfər yaralanıb.

“RİA Novosti”nin xəbərinə görə, hadisə ötən gün axşam Kunduz əyalətinin Xan Abad dairəsində baş verib.

Partlayış “Taliban” radikal hərəkatının nəzarətində olan bölgədə qeydə alınıb.

“Taliban” hələlik hadisəyə münasibət bildirməyib. (Report)

AzNews.az