İsraildə yoluxma sayında yeni rekord

Yoluxma hallarının kəskin artması səbəbindən 18 sentyabr tarixindən etibarən İsraildə 3 həftəlik karantin tətbiq edilməsinə qərar verilib

İsraildə son 24 saat ərzində 4 973 nəfərin koronavirusa yoluxması ilə gündəlik yoluxma sayında pandemiya başlanandan etibarən ən yüksək rəqəm qeydə alınıb.

AzNews.az xəbər verir ki, bu barədə İsrailin Səhiyyə Nazirliyi məlumat yayıb. Bildirilib ki, ölkədə bu günə qədər ümumilikdə 162 013 insan koronavirusa yoluxub. Onlardan 1141 nəfər xəstəlik səbəbindən həyatını itirib, 120 433 pasiyent isə müalicə olunaraq sağalıb. Hazırda ölkədə 40 689 aktiv koronavirus xəstəsinin olduğu bildirilib.

Yoluxma hallarının kəskin artması səbəbindən 18 sentyabr tarixindən etibarən İsraildə 3 həftəlik karantin tətbiq edilməsinə qərar verilib.

Karantin dövründə market, aptek və çörək fabrikləri istisna olmaqla məktəblər də daxil olmaqla bütün müəssisələrin fəaliyyəti dayandırılacaq. İnsanlara evlərindən 500 metrdən çox uzaqlaşmaq qadağan olunacaq.